बाजुरा जिल्ला Bajura District

परिचय

सुदुर पश्चिमाञ्चल प्रदेशका ९ वटा जिल्लाहरू मध्ये  बाजुरा जिल्ला विकासका दृष्टिकोणले पिछडिएको जिल्ला हो ।   बाजुरा जिल्लाको नामाकरण कसरी रहन गएको हो भन्ने लिखित प्रमाणहरु भेट्न नसकिएतापनि पुराना कहावतहरु प्रचलनमा रहेका छन् । पौराणिक कालमा यस बाजुरा जिल्लाको स्वतन्त्र अस्तीत्व नरही, यो भूमि त्यस बेलाको जुम्ला राज्यमा पर्दथ्यो, जसलाई सिंजा राज्य भन्ने चलन थियो । केन्द्रिय शासन जुम्लाबाट संचालन गरिएता पनि हालको बाजुरा जिल्लामा पनि त्यस राज्यका प्रतिनिधिहरु बस्दथे, यहाँ पनि सहायक दरबार थियो । दरबार भएको ठाउलाई कोट भनिन्थ्यो । यस बाजुरा दरबारबाट सिंजा दरबारमा राजाको आदेशअनुसार वाज पठाउनु पर्दथ्यो ।

तस्विरमा पर्यटकिय क्षेत्र बाजुरा

वाजभन्ने चरालाई पासोद्वारा समातिन्थ्यो ।ती बाज चराहरुको नाम भाले शाही बाज र पोथीलाई झुर्रा बाझ भनिन्थ्यो । राजाले आफ्नो दरबारमा बाज पठाई दिने आदेश अनुरुप बाजको लागि पासो थाप्दा पासोमा शाहीबाज भाले नपरी पासोमा झुर्रा बाझ पोथी परेछ। शाहीबाज पार्न नसकेको झुर्रा बाझ पारेको खबर सहित पोथीलाई राजाको दरबारमा पठाएछन् । राजाले शाहीबाजको चाहना गरेको तर झुर्रा बाझ प्राप्त गरेकोले त्यस कोटको नाम पोथीबाजको नाम उल्टावाट बाझुर्राकोट राखेछन् । बाझुर्राकोटको नाम अपभ्रंश हुदै बाजुरीकोट भयो र त्यसै बाजुरी कोटको नामबाट बाजुरा रहेको किम्बदन्ति छ ।

तस्विरमा बढिमालिका दर्शनका लागि तिर्थालुहरू प्रस्थान गर्दै

बाजुरा जिल्लाको परिचय भौगोलिक अवस्थिति

क्षेत्रफलः २१८८ वर्ग कि.मि.
खेती योग्य जमिनः २३३४५ हेक्टर (११।५ प्रतिशत)
खेती खेती नगरिएको जमिनः ८८१३ हेक्टर
चरण क्षेत्रः ३८०९५ हेक्टर
वन क्षेत्रः ९८६४६ हेक्टर
अन्यः ४२०९० हेक्टर

बाजुरा जिल्लामा रहेका प्रमुख नदिनालाहरू

१) कर्णाली नदि

२) बुढिगंगा नदि

३) कबाडि खोला

४) भाैनेरा खोला

ढमकने बजार

बाजुरा जिल्लामा रहेका प्रमुख पर्यटकिय गन्तब्यहरू

१) खप्तड क्षेत्र                                             ६) कालाजग्रा क्षेत्र

२) बडिमालिका क्षेत्र                                    ७) सिन्तुवा क्षेत्र

३) बुढीनन्दा क्षेत्र                                          ८) छेडेदह क्षेत्र

४) नाटेश्वरी क्षेत्र                                            ९) गाैमुल क्षेत्र

५) सुनन्दा क्षेत्र